مايجب مراعاته فى اعمال الديكور الداخلى
1– اعتمد من البدايه على اختيار تصميم بسيط رقيق فى ديكورات شقتك الصغيره .
2 – استخدم " الباب الجرار " بدل الباب العادى بين الغرف فى المساحات الصغيرة و وفر الـ90 سم " عرض الباب " .
3 – الاطوال و الاشكال المختلفه ، و الاحجام الغير متساويه فى قطع الديكور من الحلول سهلة التنفيذ فى المساحات الصغيرة .
عند اختيار الاثاث فى " غرفة المعيشه ، السفرة ، النوم الرئيسيه ، أو الاطفال "
4 – اختار اثاث صغير الحجم ، لانه يؤدى نفس الهدف بشكل مريح للعين ، و يساعد على الحركه بسهوله بين قطع الاثاث .
5 – اشترى عدد قليل من قطع الاثاث للبُعد عن الزحمه و الكركبه ، و يساعد على الحركة بسهوله داخل الغرف .
6 – اختار الكنب و الفوتيهات بدون أذرع ، لانه يعطى احساس بإمتداد الرؤيه و بالتالى الاحساس بالاتساع .
7 – اختار ترابيزة القهوة " ترابيزة المنتصف " من الزجاج ، لان ظهور الارضيه يعطى احساس بالاتساع .
8– استغنى عن الترابيزات الجانبيه و اكتفى بـ ترابيزة القهوة ، و وفر المساحه للحركه بسهوله بين الاثاث .
9 – اختار قطع اثاث بها وحدات تخزين ، يساعد فى الحفاظ على الشقة بدون كركبه .
10 – اشترى الاثاث متعدد الاستخدامات ، كـ اختيار ترابيزة المنتصف التى تصلح ان تستخدم ايضاً كـ كرسي جانبي ، شكله جميل و موفر فى المساحه .
11 – ظهور الارضيه تحت قطع الاثاث يعطى احساس بالاتساع ، اختار قطع اثاث بـ " ارجل طويله نسبياً " .
12 – اختار " الكنب ، الفوتيهات ، و الكراسي " اللى ظهرها قصير لانها تعطى احساس بالاتساع .
13 – اختار " الكنبه السرير " الكنبه اللى مكن تتفتح سرير او العريضه ، اكيد حتحتاجها لما يجيلك ضيوف و حتنفع قدام شويه لما يشرفك ولّى العهد .
14 – اختار ترابيزة سفره صغيره مستدير 4 او 6 كراسي ، فهى تعطى نفس النتيجه بشكل جمالى و مناسب للمساحه .
15 – عند تعليق المرايا فى المساحات الصغيرة ، يُفضل وضعها امام " فراغ " لانها تعطى احساس بالاتساع على عكس وضعها امام قطع الاثاث كانك نرى الاثاث مرتين .
**ديكورات المساحه الرأسيه " الحوائط "
16 – استخدم الارفف المفتوحه لترتيب الكتب ، الانتيكات ، و قطع الديكور بدل استخدام المكتبه المغلقه .
17 – استغل " الاركان " ففى المساحات الصغيرة نحتاج لاستغلال كل جزء من مساحة الشقة بشكل عملى و جميل ، عن طريق تعليق ارفف و تنفيذ مكتب بزاويه .
18 – استغل المساحه الرأسيه فى تنفيذ مكتبه فى جزء من الحائط او بكامل الحائط لترتيب التلفزيون ، قطع الديكور ، الكتب ، و فى الجزء السفلى منها استغل الارفف كـ مكان للتخزين .
ديكورات الارضيات
19 - الافضل فى غرفة المعيشه الصغيرة اختيار السجاد صغير المساحه " اللى يصل للأرجل الاماميه من قطع الاثاث " لان ظهور الارضيه تحت الكنب و الفوتيهات يعطى احساس بالاتساع .
20 – فى حالة ان قطعتي الريسبشن مفتوحين على بعض يُفضل عند اختيار السجاد اختيار السجاد صغير الحجم ، لان ظهور الارضيه بين قطعتى السجاد سواء كانت باركيه او سيراميك يعطى احساس بالاتساع .
21 – فى حالة تنفيذ الارضيات من الباركيه اختار الباركيه الطولى ، لان الخطوط الطوليه تعطى احساس بالاتساع .
22 – عند تنفيذ ارضيات سيراميك فى المساحات الصغيرة لا تلجأ لتنفيذ رسمة الاطار بـ لون مختلف عن لون السيراميك لانه يعطى احساس بـ ضيق المساحه .
عند اختيار الالوان و الوان دهانات الحوائط
23 – اختار الالوان الفاتحه فى المفروشات ، قطع الاثاث ، و الوان دهانات الحوائط ، لانها تعكس الضوء و تعطى احساس بالاتساع وهذا متعلق اكثر بالمساحات الضيقة :)
24 – اختار ستائر بالوان فاتحه حتى تسمح لضوء النهار بالدخول الى الشقه و بالتالى الاحساس بـ اتساع المساحه .
25 – من الخدع البصريه فى المساحات الصغيرة ، اختار ورق حائط مقلم بالعرض لكن شرط ان المسافه بين التقليمات تكون صغيره .
26 – نفذ فى حائط واحد فقط لون مختلف عن باقى لون الحوائط ، سواء كان بالوان الدهانات أو ورق الحائط .
عند تنفيذ ديكورات المطبخ
27 – نفذ المطبخ المفتوح فى المساحات الصغيره خصوصاً اذا كان قريب من السفره ، يعطى احساس بـ اتساع المطبخ و غرفة السفرة او الريسبشن .
28 – عند تصميم دولاب المطبخ يُفضل اختيار الضلف من الزجاج الشفاف .
29 – علق فوق الحوض او البوتجاز أرفف صغيره لترتيب الأكواب ، الأطباق الصغيره ، او برطمانات التوابل .
30 – علقى الطاسات و معالق التوزيع قريب من الحوض او فوق البوتجاز ، لتكون قريبه من يدك و توفر المساحه فى الدولاب او الدرج دون كركبه و زحمه .
31 – استغل المساحات الصغيره بين الضلفتين لتخزين الزجاجات و البرطمانات عن طريق تنفيذ رف جرار .
عند تنفيذ ديكورات الحمام
32 – نفذ السيراميك بكامل الحائط " من الارض حتى السقف "
33 – اختار مرايا كبيره فوق الحوض تعكس الضوء و تعطى احساس بالاتساع .
34 – اختار الوان السيراميك و طقم الحمام من الدرجات الفاتحه .
35 – ممكن تنفيذ دولاب صغير خلف المرايا لترتيب زجاجات الشامبو ، معجون الاسنان ، و ادوات الحلاقه .
36 – اختار حوض صغير الحجم مع مراعات ارتفاعه عن الارض .
37 – نفذ أرفف مفتوحه فوق " البانيو " لترتيب أدوات الاستحمام ، المناشف ، و المتعلقات الشخصيه .
38 – ممكن تنفيذ دولاب صغير تحت الحوض لترتيب ادوات النظافه و المنظفات .
39 – فى ركن من أركان الحمام ركب " كبينة استحمام " سواء مع بانيو او بدون بانيو للحفاظ على نظافة الحمام .
40 – اختار كابينة الاستحمام من النوع الشفاف سواء كانت من الزجاج السيكوريت أو من البولسترين .