☜شروخ البياض☞
لو بيظهر عندك مشكلة الشروخ أو التنميل بعد مرحلة المحارة وحتى بعد عملة الدهان يبقى ركز معانا شوية 🤗🚩- أولا لازم تعرف أن الشرخ أو التنميل دا ممكن يحصل بسبب اية وبعد ذلك نتكلم عن معالجته
اولاً : الأسباب
هناك أسباب كثيرة ولكن سننذكراهمها :
1- استخدام الجبس فى مرحلة المحارة (الجبس دة حاجة كارثية فى المحارة) لأن الصنايعى عايز المونة يرميها على الحائط وتشك وتنجز معاه فى الشغل لكن المشكلة أن الجبس دا لو شم اى رطوبة بيعمل تنميل صغيرة كدة وساعات بتوصل لشروخ وتحتاج انك تعالج دا فيكلفك اكتر
اضرار اضافة الجبس لمونة البياض (المحارة):
يتكون الجبس بشكل أساسي من كبريتات الكالسيوم، وبالتالى عند خلطه بالأسمنت في مونة البياض تتفاعل الكبريتات مع ثالث ألومينات الكالسيوم الموجودة ضمن مكونات الأسمنت، وينتج عن ذلك مادة تسمى سلفو الومينات الكالسيوم والتى تسبب زيادة حجمية للمونة، مما يؤدى لحدوث شروخ وتشققات للمونة بعد الشك، ويضعف طبقه البياض.
2- تركيز الإجهادات عند عتبة الشباك والشكل دة اكيد موجود فى معظم البيوت والسبب أن مسافة ركوب العتبة داخل الحائط وبعد جنب الشباك بتكون صغيرة فبالتالي الإجهادات اللى العتبة شايلاها بتتركز فى الجزء دا 😏
3- اى مكان فية فاصل بين الخرسانة (سواء عمود أو كمرة) وبين طوب الحائط ودا بيحصل لأن الطوب والخرسانة كلا منهم لهم معامل تمدد وانكماش مختلف عن التانى فيؤدي لظهور شروخ أو تنميل.
4- أثناء مرحلة المبانى ممكن تلاقى الصنايعى مش حريف شوية ويعملك كام عرموس فوق بعض ودا بيكون سبب فى الشروخ أو التنميل ايضاً
1☜حل اول سبب :
ممكن استخدم اى مادة اسمنتية غير قابلة للأنكماش مثلا ممكن مادة اسمها (كونفيس 2 أو كونفيس 2 اف) ودة منتج من شركة CMB ودة على حسب شكل الشروخ اللى عندك أو التنميل .
2☜حل تانى سبب :
ممكن بردوا نفس علاج السبب الأول لكن لو هنتكلم على الحل الجزرى واللى مفروض يتعمل مم البداية وهى أن مسافة الركوب للعتب تكون اكتر من 15 سم ولو الشباك كبير أو ارتفاع الحائط كبير فبالتالي الإجهادات هتزيد يبقى لازم مسافة الركوب لا تقل عن ربع بحر فتحة الشباك وهنوضح الكلام دة برسمة هتكون ضمن الصور اللى تحت
وحل آخر بردوا انك ممكن تستخدم الشبك اللى هنستخدمة فى حل ثالث سبب 👇
3☜حل ثالث سبب :
علشان نعالج السبب دة كان بيتم استخدام شبك سلك وبيتم تثبيتة على الفاصل بين العمود مثلا والحائط عن طريق مسامير لكن المشكلة أن الشبك دة بعد فترة بيصدأ ويترد المونة من علية فأفضل حاجة بتستخدم حاليا وهى الشبك البلاستيك وغالبا لونة بيكون برتقالى وهيكون من ضمن الصور اللى تحت وخد بالك السلك دة بيتركب بعد الطرطشة😉
4☜حل رابع سبب :
لو انت لسسة فى مرحلة المبانى يبقى خلى بالك من النقطة دى كويس جدا لكي لا تحدث معاك ولو انتهيت من اعمال المحارة وفية شروخ يبقى ممكن تصلح المشكلة بنفس طريقة حل اول سبب .
ممكن استخدم اى مادة اسمنتية غير قابلة للأنكماش مثلا ممكن مادة اسمها (كونفيس 2 أو كونفيس 2 اف) ودة منتج من شركة CMB ودة على حسب شكل الشروخ اللى عندك أو التنميل .
ممكن بردوا نفس علاج السبب الأول لكن لو هنتكلم على الحل الجزرى واللى مفروض يتعمل مم البداية وهى أن مسافة الركوب للعتب تكون اكتر من 15 سم ولو الشباك كبير أو ارتفاع الحائط كبير فبالتالي الإجهادات هتزيد يبقى لازم مسافة الركوب لا تقل عن ربع بحر فتحة الشباك وهنوضح الكلام دة برسمة هتكون ضمن الصور اللى تحت
وحل آخر بردوا انك ممكن تستخدم الشبك اللى هنستخدمة فى حل ثالث سبب 👇
3☜حل ثالث سبب :
علشان نعالج السبب دة كان بيتم استخدام شبك سلك وبيتم تثبيتة على الفاصل بين العمود مثلا والحائط عن طريق مسامير لكن المشكلة أن الشبك دة بعد فترة بيصدأ ويترد المونة من علية فأفضل حاجة بتستخدم حاليا وهى الشبك البلاستيك وغالبا لونة بيكون برتقالى وهيكون من ضمن الصور اللى تحت وخد بالك السلك دة بيتركب بعد الطرطشة😉
4☜حل رابع سبب :
لو انت لسسة فى مرحلة المبانى يبقى خلى بالك من النقطة دى كويس جدا لكي لا تحدث معاك ولو انتهيت من اعمال المحارة وفية شروخ يبقى ممكن تصلح المشكلة بنفس طريقة حل اول سبب .
