أسئلة انترفيو لمهندسين مدني وعمارة
 |
أسئلة انترفيو لمهندسين مدني وعمارة
|
اولاً الاسئلة :-
1- مالفرق بين الجسات الإسترشاديه و الجسات التأكيديه ؟
2- ليه بنكسر رؤوس الخوازيق في حين إننا كنا ممكن نصبها بمنسوب أقل ؟
3- ماذا تعني المصطلحات الاتية في الموقع :
(ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل)
4- ماهو الفرق بين السمل و الميدة و الشداد ؟
5- ماهو الفرق بين مقاس حطة الأشاير و مقاس حطة النجارة للعمود ؟
6- هل أكسات المبنى تكون في منتصف (القواعد أم الأعمدة أم الحوائط) ؟
7- كيف يتم تظبط بياض محارة الأعمدة الدائرية ؟
8- ماهو الفرق بين النجارة الخشبية للــ الشدة المصرية و الشدة السورية؟
9- لماذا نعزل مباني قصه الردم ؟
10- إمتى تكون كمرة داخليه في سقف تسليحها الرئيسي فوق و الثانوي تحت ؟
11- رجل أشاير العمودداخل القاعدة بتكون للداخل ام للخارج ؟
12- هل ينفع نوصل أشاير العمود في منتصف إرتفاع العمود ولا لأ؟
13- الفرش بيكون في الإتجاه القصير ولا الإتجاه الطويل لكل من (القواعد المنفصله- اللبشه- البلاطات السوليد سلاب- البلاطات الفلات سلاب)؟
14- احسب طول السيخ المستخدم لعمل كانه لكمره 70* 25
15- إيه الأماكن اللي مسموح فيها نعمل وصلات لحديد تسليح اللبشه؟
16- إيه الفرق بين التسويس و التعشيش للخرسانه؟
17- إيه سبب الشروخ اللي بتظهر على سطح الخرسانه بعد يوم من الصبه؟
18- هل بنعزل قاع السمل و ظهر السمل ولا لأ؟
19- فاصل الصب بيكون عند الزيرو شير ولا الزيرو مومنت؟
20- إيه الفرق بين فاصل الهبوط و فاصل التمدد و فاصل الإنكماش؟
21- إيه الفرق بين الPre Tension Concrete و ال Post Tension Concrete و ال Pre Cast Concrete ؟
22- إمتى بنستخدم الطوب الطفلي و إمتى بنستخدم الطوب الأسمنتي في المباني؟
23- يعني إيه مصطلحات البياض دي (بياض ممسوس- بياض متخشن- بياض مخدوم- بياض متربي- بياض معضم- بياض مفوش- بياض مطبل- بياض مقتول- بياض منمل- بياض مشعر- بياض مطقطق- بياض مملح- بياض مزهر- بياض ممشط- بياض مزنبر)؟
24- إيه الفرق بين السيراميك و البورسلين؟ و إيه الفرق بين الرخام و الجرانيت؟
25- إيه الفرق بين القشره الأرو و القشره الموجنه و القشره الزان للأخشاب؟
===================================
الاجابات:-
===================================
1- الجسات الاسترشادية من اجل تقديم العطاء والتصميم المبدئي ,
اما الجسات التاكيدية فهي اللى بيعملها المقاول للتاكد من جهد التربة ان اراد
الجسات الاسترشاديه تؤخذ من قبل المهندس المصمم من قبل المالك لمعرفة قيمة قدرة تحمل التربه اللي بيعتمد عليها تصميم الاساسات وكذلك لكشف وجود اي نوع من التربه ذات المشاكل مثل الانهياريه او الانتفاشيه اوضعف قوة تحمل التربه للاحمال الواقعه عليها من المبني وبالتالي ياخذ المصمم الاحتياطات الازمه لعمل طبقات الاحلال المناسبه لطبيعة المبني وكذلك استكشاف وجود مياه جوفيه اواي سوائل مختلطه مع التربه مما يتسبب في حدوث مشاكل مستقبليه وتحديد منسوب ظهور المياه الجوفيه سواء كان المبني يشمل بدروم ام لا
اما الجسات التأكيديه تؤخذ من قبل الشركه اوالمقاول المنفذ للمشروع
للتاكد من مطابقة خصائص تربة الموقع علي الطبيعه وتقرير التربة بناءا علي الجسات الاسترشاديه سابقة الذكر
وهل حدث تغير في طبيعة الارض من ظهور اي مشاكل اثناء التنفيذ
--------------------------------------------------------------------------
2 - يتم تكسير رؤوس الخوازيق لان الخازوق اثناء الحفر والصب تطفو التربه المختلطه مع المياه وبعض الشوائب وتتركز في الجزء العلوي من الخازوق وده بيسبب ضعف قطاع الخازوق في المتر العلوي من الخازوق واعادة صبه خرسانه خالية من الشوائب لضمان قوة جساءة الخازوق
------------------------------------------------------------------------
3- الضفدعة هي قطعة خشب صغيرة توضع عند اعمال الشدات الخشبية في حالة وصل العروق (المرابيع) تعتبر حماية اضافية للوصلة غير القمط ..........
الضفدعه عند وصل العروق في قوايم الشده الخشبيه يتم تسمير قطعة خشب ربعه بالعرق العلوي اعلي مخ العرق السفلي مباشرة لضمان عدم انزلاق الوصله بين العرقين اثناء الصب
العصفوره اسطوانه خشبيه توجد بميزان الخيط لوزن الاعمده والحدود الخارجيه للاسقف ولابد ان تتساوي ابعاد العصفوره مع ابعاد رمانة الميزان لضمان دقة الوزن
--------------------------------------------------------------------------
4 - السمل اللى هو شايل حائط الدور الارضي ,
الميده فى منسوب القواعد لربط القواعد المنفصله ببعض ,
الشدادات ودي خاصه بقواعد الجار .
5 - حطة الحديد (الاشاير ) مقاس العمود نخصم الغطاء الخرساني ,
حطه النجاره هي مقاس العمود + الغطاء الخرساني(cover).
6 - اكسات المبني في المعماري بتكون منتصف المباني .
7 - بالنسبة لبياض العمود الدائري لو فيه فورمه بنفس الشكل يبقي افضل
8 - الشده المصريه بنعمل تخشيب ثابت وبنحطط عليه ونوزن الحطط , اما السوريه فبنطلع العمود وبعدين نوزنه ونثبته بنهايز
9 -العزل لمباني قصية الردم للحماية من الرطوبه ولمنع وصول المياه لمباني الدور الارضي وتسبب تطبيل لياسه الارضي
10 - العزم الاكبر فوق , او لما بتكون بين كمرتين بحرهم كبير وهي بحرها صغير مقارنه بهم , وفي حالة الكوابيل .
10_تكون الكمره ذات البحر القصير والمجاور ليها من الجهتين بحرين كبيرين،، اي المومنت عليها negative وبالتالي يكون تسليحها العلوي هو الرئيسي والسفلي هو العلاقات..
11_ رجل اشاير العمود يفضل تكون لبره لمنع حدوث التعشيش..
12_ ينفع اوصل اشاير العمود ف منتصف الارتفاع طالما انه عمود معرض ل vertical load without any moment..
13 _ القواعد المنفصله الفرش بيكون ف اتجاه الرفرفه الاكبر سواء العمود ف سنتر القاعدة او عليه eccentricity.
وبالنسبه للبشه والبلاطات الفلات يفضل الفرش ف الاتجاه اللي فيه اضافي اكتر..
اما السوليد سلاب فيتم الفرش ف الاتجاه اللي بيمشي فيه الحمل وغالبا يكون الاتجاه القصير.
--------------------------------------------------------------------------
14 - ( 20 + 65 ) * 2 + 16 = 186 سم .
15 - الرقة العلوية عند الاعمدة , الرقة السفلية عند منتصف البحر
16 - التسويس الحديد متعرفش تعدي ايدك وراه ومعالجته انك تليسه , التعشيش ان الخرسانه ما تكونش وصلت لاماكن معينه والمفترض انك تصبه بمواد ايبوكسيه .
17-اسباب ظهور الشروخ في السطح بعد الصب صدمه حراريه بسبب فرش البلاطه اولا ثم التاخير في الغطاء بعد التفاعل الكميائي للاسمنت وانتاج حراره وعدم معادله درجه حراره الجسم المستقبل
18 - السمل اللى شايل حائط الارضي يتعزل من تحت ومن فوق لا
19 - دي مدارس احداهما تقول عند الزيرو مومنت والاخري عند الزيرو شير
20 - فاصل الهبوط فاصل بين منشأين مختلفى الاحمال والفصل بيصل من المبني بالكامل للقواعد , فاصل التمدد المبني بالكامل بعد مسافه معينه ولا يصل للقواعد , فاصل الانكماش ده فى الخرسانه المصبوبه لمساحات كبيره وبيتعمل فواصل كل مسافه
22 - الطوب الطفلي فى تقسيم الفراغات بعيد عن الرطوبه , الطوب الاسمنتي اول مدماك ومباني الحمامات , وحول الفتحات .
-------------------------------------------------------------------------
3/25 3- يعني إيه المصطلحات دي في الموقع: (ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل)
الحصان: ده عبارة عن قده ألومينيوم بيستخدمها صنايعي الجبس لما ييجي يعمل كرانيش بطريقة التمشيات بحيث يظبط وزنه القدة (الحصان) أسفل الكورنيشه عشان تطلع في النهاية الكورنيشة مظبوطه
الحمار: ده عبارة عن تشكيل بيعمله نجار المسلح من الخشب عبارة عن عرق أفقي مرتكز على عروستين على شكل حرف X و ده بيستخدمه في إنه ينظف عليه الخشب من المسامير
الخنزيرة: عبارة عن إطار خشبي بيتعمل حول المبنى في مرحلة التأسيس من اجل ان النجار يشد عليه محاور المبنى و اللي بتكون على هيئة خيوط
الجمل: بيطلق على صف القرميد المايل اللي بيتعمل عند أركان المبنى و بيكون شكله مختلف عن باقي القرميد
جمل ارتفاع في وسط منسوبين منخفضين بسطح الخرسانه
السمكة: لما بيكون عندنا غرفه أبعادها مش منتظمه فبيظهر في بلاط الأرضيه في أحد الجهات شطره أو غلايق سيراميك بتكون على شل شبه منحرف.. دي اسمها سمكة النحلة: خلاطة الخرسانة اليدوي اللي بتستخدم في خلط الخرسانة في الموقع العصفورة: الجزء العلوي من ميزان الخيط اللي بيستخدم في ظبط الرأسية
ظهر حيه نصف دوران بشفة درج الرخام للسلم او برور باب الخشب او زوايا سوك المحاره
الغراب: مصدر مياة مجمع بيكون في المواقع اللي لسه ماوصلتلهاش المياة و بيستخدم في إن عربيات المياة بتملا منه
رجل_الغراب: أي رجل غراب طريقة تسمير العرق والحمالات مع القوايم بالشده الخشبيه علي شكل ثلاث رؤس مثلث لضمان قوة التماسك حاجة مرصوصه بشكل تبادلي بنقول عليها رصه رجل الغراب
السنجابي: نوع من أنواع البلاط الأسمنتي اللي بيستخدم في الأسطح
الفارة: من أدوات نجار الباب و الشباك بيستخدمها في إزالة قشرة بسيطة من الخشب
الفراشة: نوع من أنواع البسكوت البلاستيك اللي بيستخدم في عمل الغطاء الخرساني لأجناب الأعمدة و الكمرات و القواعد