اسرار وفنيات تنفيذ الدهانات|Paints secrets and techniques

سؤال وجواب عن اعمال الدهانات

نقدم لحضراتكم من خلال هذا الموضوع بعض الاسئلة الهامة عن اعمال الدهانات التي ستفيد كل مهندس عند قيامه بتنفيذ واستلام اعمال الدهانات

سؤال 1 : ماهو معجون الدهانات البلدى والمعجون الجاهز وأيهما أفضل ؟

الاجابة :

اولا لابد ان تعرف ان المعجون البلدى بيقوم بتصنيعه صنايعى الدهانات اوالنقاش

وبالتالى مكوناته ونسبها هتختلف من صنايعى وآخر ده غير محاولة الغش لتقليل التكلفة او لعدم الخبرة

ومكونات المعجون البلدى عبارة عن

مادة مالئة وهى

الاسبيداج او كما يطلق عليه السبيداج

غراء

زيت بذرة الكتان

اكسيد الزنك

وللغش بيتم الاستغناء عن الزنك والزيت لغلو ثمنهم

وبيتم استعمال السبيداج مع الغراء فقط وبتكون معجونة ضعيفة

اما المعجون الجاهز اكيد افضل لانه بيأتى بمكوناته جاهز للاستعمال

وهو نوعين :

 1- نوع اساسه أسمنتى بيأتى على هيئة بودرة فى شيكارة يتم تجهيزه بإضافة المياة فقط لتحويله كعجينة او معجون جاهز للتشغيل

 2- نوع تانى أساسه اكليرك بيأتى على هيئة معجون فى بستلة بلاستيك جاهز للتشغيل بدون احتياجه لأى إضافات

ومعجون الاكليرك انعم واقوى

ويفضل (ولكن ليس أساسيا )ان تكون السكينة الاولى من نوع المعجون اللى أساسه اسمنتى
م.استشاري حسن قنديل

Paint or paint is any liquid compound or

 can be diluted.

Paints are a material formulated to give color and protection to surfaces

 ـــــــــــــــــــــــــــــــــــــــــــــــــــــــــــــــــــــــــ
سؤال 2 : ماهو الفرق بين الدهانات البلاستيك والزيت ؟

 الاجابة بسيطة وحالا هنوضح الفرق بين الدهانات البلاستيك والزيت

1- الدهانات الزيت : دي دهانات اساسها زيتي ، ودي دهانات قابله للغسيل عادي ، لذلك كانت تستعمل بكثرة سابقاً

2- الدهانات البلاستيك : دي دهانات اساسها مائي وغير قابله للغسيل لذلك كانت الناس متخوفه منها ومبتتجهش ليها الي ان تم عمل دهانات بلاستيك قابلة للغسيل انتهت الدهانات الزيت ، يعني قليل اوي لما تلاقي حد عامل شقته دهانات زيت ، كله بلاستيك دلوقتي.

ــــــــــــــــــــــــــــــــــــــــــــــــــــــــــــــــــــــــــــ

سؤال 3 : ماهي المراحل التي يمر بها بها تنفيذ الدهانات ؟

عادةً التنفيذ بيمر ببعض المراحل البسيطه وهي :

1- مراشمة الحوائط : يعني تنظيف الحوائط من الاتربه وبواقي الجبس ،اما بسنفره او حجر جلخ او سكينة معجون.

2- وش سِلر : بندي للحائط  وش من مادة السلر عشان تقفيل مسام الحائط

3- مرحلة التأسيس : ويقصد بها مرحلة المعجون ، طيب ليه انا بحط المعجون اصلا ما ممكن ادهن علي المحاره واخلص نفسي ؟ انا مش عايز ملمس المحاره الخشن انا عايز لما اجي احط ايدي علي الحيطه تديني ملمس ناعم ، المعتاد اننا مينفعش نعمل اقل من 2 سكينه معجون ، لو المحاره مخدومة يكفي سكنتين ،

 انما لو المحاره ليست جيدة  فيتم عمل من 3-4 سكاكين ، وبعد كدا اصنفر الحيطه عشان انعمها ، ودي اول مرحلة استلام بتأكد فيها ان مفيش دبابيس في الحيطه 

( حته كدا بتكون زي رأس الدبوس ).

4- التلقيط ( مرحلة تابعة للمعجون ): بنلجأ اليها لو في اماكن معينه فيها ريجة فبجيب المعجون وبلقط الحته اللي فيها عيوب.

5- مرحلة ال Finish : ودي بعملها علي مرحلتين :

- بطانة الدهانات : بتكون وش مخفف من البويه اللي انا هدهن بيها عشان اكتم المعجون.

- النهايات : بتكون بوية شحمه وادهنها اما 2 وش او 3. علي حسب 

ــــــــــــــــــــــــــــــــــــــــــــــــــــــــــــــــــ

سؤال 4 : كيف يتم استلام اعمال الدهانات ؟

- استلام الدهانات:

1- قبل الاستلام تاكد انك غاسل ايدك كويس عشان متبصمش علي الدهان.

2- العيوب اللي ممكن الاقيها ان الحيطه متكونش ساتره " مش شحمه " فتيجي تبص علي الحيطه تلاقيها مكشفه ، وحلها اننا نعمل وش كمان.

3- مابين سحبةالرولا والتانيه ساعات بنلاقي خط ، يبقي النقاش محتاج يلقط الكلام ده.

4- ساعات تلاقي الدهانات مسيله بنسميها دمعه نتيجة ان الرولا متعصرتش كويس فلازم يظبط الكلام ده برضو.

5- نستلم اهم حاجه طبعا درجة اللون.

6- عشان اضمن ان النقاش مبيشتغلنيش في عدد السكاكين لازم اخلي كل سكينة معجون بلون مختلف ( ابيض و بيج مثلا ) واطلع استلم كل واحده فيهم.

بعض الصور منقولة عن الدهانات