4 خطوات لتنفيذ واستلام الاعمدةالخرسانية
قبل البدء في الاستلام لابد من تجهيز ومطابقة اللوحات اللي هتستلم علي اساسها اي بند ومن اهم المعلومات التي لابد ان تكون علي دراية بها عند استلام الاعمدة :
1-تصفية اللوحات وتجهيزها
2- استلام الحطات
3- استلام أبعاد الأعمدة
4- استلام الوزنات
1- تصفية اللوحات
وهى ايجاد المسافات الصافية بين نجارة الأعمدة للتسهيل على نفسك أثناء الاستلام فى الموقع يعنى بنشوف المسافة بين العمودين كام خراسانات من اللوحات -لوحة المحاور والأعمدة -وبنضيف أو بنطرح تخانات الخشب -الصورة الموضحه-
2- استلام الحطات - الحطة السفلية
نتأكد ان الحطة السفلية محطوطة فى مكانها المظبوط بحيث يكون
كل عمود منطبق على العمود فى الدور اللى تحته علشان نتأكد ان الأعمدة متحططة صح زى ما هى فى اللوحة لازم يكون عندنا أكس معلوم أفقى ورأسى ونوقعه على السقف ومنه نقدر نجيب باقى الأكسات .
الأكس المعلوم بيكون هو أكس الواجهة
3-استلام ابعاد الاعمدة اي التأكد من قطاع العمود الخرساني
4- وزن رأسية العمود -الحطة العلوية
عندنا طريقين مشهورين /
الأولى :
لو الألواح الخشبية المستخدمة فى الحطات مقاس واحد 14 سم
بنستلم بميزان الخيط
عصفورة الميزان هنحطها على لوح الحطة العلوية والثقل ينزل جنب
الحطة السفلية ولازم يكون مسلّم للوح الحطة السفلية
خللى بالك من صوابع النجار ممكن يلعب بايده فى الخيط وانت مش
واخد بالك
الثانية :
لو الألواح اللى النجار عاملها تعبانة ومش متساوية فوق زى تحت
كدا بنعلق ميزان الخيط فى أى مكان حولين العمود من فوق
ونقيس المسافة يدوى بالمتر من الخيط وحتى الوش الداخلى للحطات
العلوية والسفلية وما بينهما